HelloAfghanistan.Com | <font size=4><p align=right>امريکا د بګرام زندانيانو نومونه خپار

امريکا ويلي چې د افغانستان په بګرام کې د ٦٤٥ زندانيانو نومونه خپاره کړل .
امريکايي چارواکي وايي دا ګام يې وروسته له هغه واخيست، چې د مالوماتو د ازادۍ قانون يې په اړه ورته وړانديز وکړ .

دغه قانون تر ٢٠٠٣ کال راوروسته جوړ او د امريکا د هغو زندانيانو د دوسيو څېړلو دنده يې پرغاړه درلوده، چې له امريکا بهر د متحده ايالتونو په زندانونو کې بنديان دي .

وړاندې د امريکا د مدني ازاديو اتحاديې يوه قضايي دعوا وړاندې کړې، وه چې په لړ کې يې د بګرام زندانيانو په اړه دوی ته مستند مالومات وسپاري .

دغې ټولنې ويلي وو چې ګني د بګرام د زندانيانو په اړه مهم مالومات پټ کړای شوي وو .

خو امريکايي چارواکو مخکې دا نه منله، چې ګني دوی د بګرام زندان د بنديانو نومونه خپرو .

د يادې شوې ټولنې يوې مدافع وکيلې مليشا ګوډمن ويلي د امريکا دا پرېکړه بې سارې ده چې ((د بګرام پټ زندان په اړه د شفافيت او محاسبې پر لوري د امريکا دا يو مهم ګام دی . ))

نوموړې ويلي چې ((شفافيت او محاسبه دې ته اړتيا لري چې دغه بنديان کله او چېرې نيول شوي، په زندان کې يې څومره وخت وتلی، د کوم ځای دي، ايا افغانستان کې د ننه او که په نورو هېوادونو کې نيول شوي دي .))

د نيويارک ښار پوهنتون د قانون استاد رمزي قاسم ويلي ((دا يو بې ساری پرمختګ دی، په تېر کې موږ دا ډول مالوماتو ته لاسرسی نه شوی درلودی .))

ويل کېږي چې ښاغلی قاسم په بګرام زندان کې د امين البکري په نامه د يوه زنداني مدافع وکيل دی .

امين البکري په ٢٠٠٢ کال کې تايلنډ کې نيول شوی او بيا د بګرام زندان ته وړل شوی دی .

وړاندې يوه امريکايي قاضي پرېکړه کړې وه يوازې هغه بنديان په امريکايي محکمو کې د خپلې دعوا د وړاندې کولو حق لري، چې له افغانستانه بهر نيول شوي دي .

خو په دې پرېکړه کې د بارک اوباما د ادارې لخوا بدلون راغی .

د ويلو ده چې په افغانستان کې مېشت امريکايي او ايتلافي ځواکونه د طالبانو د واکمنۍ له پرځېدو وروسته د ٢٠٠١ له سپتمبر راهيسې تر دې مهاله د کابل په شمال کې له بګرام زندانه د بنديانو د ساتلو کار اخلي .

تېر کال له دغه زندانه يوشمېر راخوشي شوو زندانيانو بي بي سي ته ويلي وو چې د بند پرمهال سخت کړول شوي دي .

خو امريکايي چارواکي بيا د زندانيانو دا تورونه نه مني او ټينګار کوي چې له ټولو زندانيانو سره سمه انساني معامله کېږي .

تېره اوونۍ له افغان چارواکو سره يو رسمي پرېکړه ليک لاسليک شو، چې د بګرام زندان چارې به افغانانو ته سپاري .